Plantun de Prouvènço

Pèr coumpara dos planto d'encò nostre

Arceuthobium gambyi & Fraxinus excelsior

Arceuthobium gambyi

Santalaceae

Nom en français : Arceutobe.

Descripcioun :
Lis arceutobe soun de planto sènso clouroufilo qu'an ges de fueio e que parasiton li genèbre. Li fru madur soun pas poupous au contre de li dóu visc. Aquéu d'aqui, Arceuthobium gambyi, vèn tout bèu just d'èstre dessepara de Arceuthobium oxycedri. Se n'en destrìo qu'èi mai fort dins tóuti si partido e peréu que se trovo majamen sus lou mourven e pas tant sus lou cade e lou genèbre coume lou segound.

Usanço :
Lis arceutobe aurien d'ùni prouprieta anti-bateriano.

Port : Pichoto planto lignouso
Taio : 5 à 20 cm
Fueio : ges
Tipe bioulougico : Camefite
Cicle bioulougico : Planto renadivo

Gènre : Arceuthobium
Famiho : Santalaceae

Ordre : Santalales

Coulour de la flour : Jauno
Petalo : 4
Ø (o loungour) flour : 1 mm
Flourido : Autouno - Ivèr

Sòu : Ca
Autour basso e auto : 0 à 800 m
Aparado : Noun
Remarco : Endemico d'Iberìo e de Prouvènço
Setèmbre à abriéu

Liò : Parasite sus li ramo de mourven, Juniperus phoenica
Estànci : Mesoumediterran à Subremediterran
Couroulougi : Mediterrano-Nord-Ouèst
Ref. sc. : Arceuthobium gambyi Fridl., 2015

Frais

Fraxinus excelsior

Oleaceae

Àutri noum : Frau, Fraich, Fraiche, Fraisse, Frais-mascle.

Nom en français : Frêne commun.

Descripcioun :
Lou frais es un aubre de mountagno que trachis dins li relarg umide en terro prefoundo. Se recounèis à si bourroun negre e óupousa, à si fueio coumpausado de 5 à 11 fueioun denta e pounchu, e peréu à soun fru que ié dison "lengo d'aucèu".

Usanço :
Emé la ligno de frais se fai li manche d'óutis. Li fueio (e li fru) soun couneigudo pèr lucha contro lou mau-d'os e ajuda à pissa. Faire bouli uno pougnado, pièi après infusioun, béure emé de jus de limoun. Dins d'ùni endré, li jóuini fru soun manja après èstre esta bouli dous cop. En Franço s'adoubo uno bevendo, la freineto, emé li fueio cuberto de melado (producho pèr li nieroun).